A day in the life 275 C-經實紀 296

運隨人轉

某日在吃下午茶飲紅豆冰，鄰座來了兩位男仕，甫坐下來男甲就眉飛色舞的講他昨夜賭馬贏了三千幾蚊的經過，情况是他「訓醒」見前面幾場跑的都是雙數馬贏，於是就下注買了一張全雙數的組合，咁就贏咗喇！諸如此類的賭馬方法（小故事），想信很多人都試過聽過，Try and Error 吧？這種賭法其實可能係賭馬「賭都怕」的時候，無計可施時就會的忽發奇想！？

C-經的其中一個常常寫作的題材係醫卜星相類的物事，其目的係想追尋「幸運」的軌跡！這幾年下來的結論可能係不得不同意易卜大師知果老兄的鐵口批示：要贏馬要先求簽，睇你有無得贏，而不是先下注的再問卜的！但又有幾個人可以做得到抽到支簽話你無運行你就乖乖地聽話唔賭的呢！?

賽馬作為一種運動，當然係優勝劣敗，且騎師們就似係一班同班同學，長久在一起玩，誰勝誰負，很易猜想得到，結果就會係場場悶戰，發財的機率大減，對所有參与者都會係「很不高興」的事！但，一旦有「人」這因素介入，一切就不是賽馬咁簡單囉！最近聽一位資深書生馬評家叫人留意两位前領騎師，阿甲贏的那一場馬，另外的那位阿乙一定係缺席的，請各馬迷留意！

回到那位下注全雙數的朋友必定係頗具「資源」的賭徒，他用的方法如要贏錢，就必得先要有錢! C-經不是賭徒，係通過賽馬觀察術「數」者，每個賽馬日的預算不會超過一百蚊！賭的就係運氣加術數！賭徒們都明白一個很簡單的真理：賭「孤寒錢」你輸梗！如賭十蚊雞（最低消費）都贏，就真係财星高照喇！如買「雙數馬」要贏，ー百蚊。唔夠賭一場馬，但贏的機會係唔係大咗?！也許未必？！要做過科學統計至知！？

華燈初上的幻影

C-經之前寫過尼古拉特斯拉（1856-1943）提出的宇宙最神奇Powerful的數字9，係一直還在觀察和運用在賽馬預測的事項上，下注的方式係：9或兩數目相加為9的，如18 ，45，36... 都係時常會跑出的數字組合，但錢小就不好辦了，因如其組合太熱（派彩大少）時，一位正常的賭徒定都不會下注的吧！冷門的又不敢！？據C經的資料，對上幾週就跑出一次18連贏的大冷門！不是運氣沒有，係沒有傻錢去程式地下注這個特斯拉方程式！

數字9的最新賽績紀錄：

19日/11:第3場1、8連贏派$678

                   3、6位置Q派$485

                    9號贏2W

16日/11： 4、5（WP) x2

15日/11： 9x2W2P

12日/11： 1、8WP派$450

               1、8位置Q派$769

         是日8號跑入頭3名：5/9次

那位當晚下注雙數馬號贏錢的朋友，當時係運隨人轉還係人隨運轉的呢？！不知道，就知道運氣大神可能並不會做平均財富的工作，賭搏遊戲係偏幫有錢人，係富者愈富，貧者愈貧者！哀哉？！

哀哉？或者不！不是古有明訓：哀兵必勝？！賭徒如樓下Secure阿連伯，賭場上全過程輸贏都係情緒高昂亢奮，戰力心態百戰不朽，係吃喝玩樂型的典範人物...不過，想起阿連伯告訴我他的前塵往前事，就不難明白他豪賭的「基因」何在！富有過、也破產過，他說：1997年在尖沙咀一大厦天台站了兩小時，想企跳！真係難得一見城中極盡精彩活在當下的傳奇人物！佢可以攞一個月的人工賭幾日馬仔，無馬跑就過大海賭百家樂，用隻幾十倍賠率的馬匹食全餐（拖晒全部馬匹）贏幾萬蚊！好不Bravo！好不精彩！可能係運氣大神也都被嚇怕了的小人物！？放手不管了？！

阿連伯幾個月前已辭去了Secure的工作，去了專職賭馬吧!？ 但願：運隨阿連伯轉！