錢唔係錢? Cash is trash！

錢唔係錢 ? Cash is trash！

土瓜灣街角開了間新餐廳，招牌名稱都沒有就開業（原來在區外已開兩三間），11：00-6:00! 店不大，每日都見到人排隊！這舖位空置已有十年八年了，再租出當然業主很高興，收的租唔知要幾多年才填充過去空置了的金錢缺口！晚上睇電視地產經紀説旺區舖位及A級商業大厦的空置率已改善了，唔知地産板塊返家鄉未？！

北角有間新餐廳開張，係擺明車馬挑戰兩餸飯店的，任吃自助餐式午餐只賣$29，晚餐$39！見網上的影片介紹，環境食物大致上可以接受，但店也是不太大，這價格大概只係登陸戰，值得關注的是可以維持多久！？是否會成為常態？！是租金減了人工成本物料的價格都縮了，抑或係顧客們一直都錯判（不懂判辨）市場的價格應該係「幾多」，才算合理，賺到錢就隨意的消費（花費?），一直都係在做商家們的羊牯！

與雲信兄分享這餐廳的信息，問：

夠竟係錢唔值錢，抑或係食物唔值錢？

雲信兄常說Cash is trash垃圾 ...是幽了他一默，這種講法大概係基金經理們「話術」的嚇人經典，邏輯是錢愈來愈唔值錢就交給他們去投資好了！商人們就叫你去快點消費！好在我（奇怪地）一直對這論說無乜感覺，主要係錢（身家）沒多少，只知精明消費量入為出便是！相信錢會縮水的理論最大的受害者是政府（印銀紙），是問責財金官員們必須交出的功課啊！

家中革萬内父親的舊鈔票，價值已歸零，但就成為了有紀念價值的無價寶！

Pema來圖文介紹他的二人早餐：

三悅(堡壘街)豬扒包和豬扒餐都係$35

快回一行字，幽了一默：

豬仔包在「補貼」豬扒餐？！

物價好似在travel in time，有D快有D倒頭行，其實都係「平均數」？！以前有朋友説餐廳老闆們計的都係人頭數，進門客人的平均消費！物價或者只係一個你已「習慣」或「唔習慣」嘅價錢而已...

無論在那一設定時間，供需定律當然係鐵律，但對像我這等消費者當然不很多？！以前有位女同事阿雲去餐廳都喜歡計算什麼是店家賺得最少的...她飲牛奶，唔飲奶茶！消費原來係一場市場的搏奕！我如果兩個人去餐廳點餐（餐牌有十個由低到高價的套餐），就會點一個平的加一個貴的，因為那「定價」是一個店主設下的消費陷阱...我估大部份人都會點中上價的，大概係「面子」的問題吧？！

經濟到底（Bottom)了嗎？！現在的這一段時期是夠混沌的了，有人心灰意冷有人漏夜趕科場，網上的資料意見兩極，已沒多大的參巧價值！在一個極為複雜的經濟系統内，特别如香港這個「成熟」的國際金融中心小島，當然係一個很好供觀察的地方...重要的是：不要生活在「習慣」的價格環境，做個精明的消費者吧！

錢永遠都係錢，不會變垃圾的，只要你唔好「當」錢唔係錢來用（香港人俗語：亂花錢也！）當一位精明的消費者，永遠是走在不明經濟迷霧裏的大贏家！永遠要:視財如命，當「錢係錢」！