阿燦哥和我的財運時空窗口

 阿燦哥和我的財運時空窗口

週三（15/7）晚係2026年賽馬季度的煞科戲，也是阿燦哥和我運財時空窗口實驗的最終回，因為就不想阿燦哥本來只係做白老鼠的卻上癮當上了個賭徒！早上吃完早餐略睇過些賽馬資料，便傳了個下注策略指示給阿燦哥:

今日庚寅日，1700-1900比較有利投注！

金剛誠与鐘易禮共出馬10匹！

第四場)金（2）臨場拖大熱位置Q

$10

可多買一注單T：

1、2、8（因為1、8都係前領騎師的熱門馬匹）

$10

第五場）鐘（11）拖臨場大熱位置Q

$10

第六場）金（6）拖臨場大熱位置Q

$10

第九場）鐘（1）拖臨場大熱位置Q

$10

今日煞科，可買一注六環彩！！可參巧附圖或自己亂點鴛鴦

$10

共$60

歌星們（啟德）的運財時空窗口

下午天氣轉壞，乃再App 阿燦哥話天氣惡劣，不賭是贏錢！?本想叫停實驗，但想到潘頓今晚得3匹馬出賽，不如就信靠高手騎師的功夫?！

金鐘兩人共出馬10匹，本來如果唔係實驗預算（大概$60），我本想叫阿燦每匹馬買$10W(最正確的實驗設計）...不過，姓金騎師的座騎有兩匹都係幾十倍的，理智上又無理由咁賭法！?（事後當然就知賭錢不是尋常的思維推理！）

金誠剛這一晚跑出了兩匹馬，第二場大冷門和第六場的大熱門！第二場頭馬W派彩$303！第六場如果阿燦聽我講買了金的6號拖潘頓，都一樣是輸了的!這一夜，阿燦哥沒在時間窗口提到錢，當然主要係因為我的「介入」，我設計的實驗玩法祗是要証明時空窗口的存在，赢錢与否其實係另一回事！正如前一篇文所綜合的感受:

1）無錢，$60的賭本不夠做實驗！

2）無胆，實驗目的不是胆色測試！

3）賭神不喜歡聽明叻人，或自以為叻的人！

金誠剛赢咗大冷門，當然係賭神對我的耳語和冷嘲！每次爆大冷門電視專家們都係鴉雀無聲的，大概也與我同感罷!?我在想:如果阿燦哥自己完全自主下注，情況又會如何?又或者可找一位資深馬迷做白老鼠，睇結果會如何!？不過這一簡單的測試，倒或可証實了阿燦哥的貴人真的是金字旁的人，又或搵工作求財最好是向金的方向找了。

至於我這隻白老鼠呢?一直由頭輸到尾二一場才贏了$120，算是打和了！今晚有兩三場馬的1、3、8組合都「浮現」了我暗中特定的「目標」，雖然1、3、8沒勝出單T，但我同時下了一注1-3的位置Q！就我的情況而言，我今日的「運財窗口」其實在早上股戰場或已出現了，我的一隻鎮倉股升了$0.3，今日賬面上算已是赢了的吧！

寶姐姐讀了前文，來了條字幽了我一默:

似火腿撈麵多！運財窗口就是好彩時？！

她指的是我理怨酒樓的薑葱义燒份量都小給了的撈麵！寶姐姐果然有慧根！

回了條字:

「運財窗口」唔代表你d財會多咗，祇代表你可以用對你有利的時間空間去爭取吧了！簡單例子，有d人打工都在夜晚！有d人夜晚精神d，可能同dna有關?！即（以前）報紙編輯或電視電影圈等等創作類形的工作皆是！賭搏當然係可以不見天日的了，如何找出合適求財時機，至為重要!賭仔都知道磨爛席係無用嘅！

又譬如，股票一日早10晚4幾個小時內，我就覺得我早上賺錢的機會比較多...可能係與買賣制度有關，很多人即日鮮買貨不過夜，所以股民下午多只是部署或賣出股票多？！